Stýdentter tıindi jasaý barysynda eshqandaı qarjy shyǵyndamaǵan
Vıtse-mınıstr Qaskeleńge mashına quraý salasynyń jetistigi - kombaınersiz júretin kombaındy testileýge kelgen bolatyn.
«Tıin maǵan unady. Biraq, Atakenttegi tıindi áli kórgen joqpyn. Stýdentterdiń taza tabıǵı ónimnen óner týyndysyn jasaǵany árıne qýantady. Bul agrarlyq fakýltet stýdentteriniń izdenisi men zertteý jumystaryndaǵy tájirıbesin kórsetedi. Bul ıdeıany sheteldik sýretshiler ákeldi. Al jastar trend retinde qabyldap aldy. Bul jerde qansha aqsha ketkeni mańyzdy emes, eń bastysy - ıdeıa», - dedi Arman Evnıev.
Aıta ketý kerek, sabannan jasalǵan alyp tıin Almaty emes búkil Respýblıka jurtshylyǵy talqylaǵan trend taqyrypqa aınaldy.
Jeli qoldanýshylary tıindi jasaýǵa ketken qarjyny bosqa aqsha shashý dep sanaıdy.
Osyǵan oraı Agrarlyq ýnıversıtet stýdentteri keshe Qaskeleńde saban shópten týra sondaı alyp tıin ornatty. 20 shaqty stýdent ınstallıatsııany 1 kúnde jasap shyqqan.
Munyń aldynda birqatar BAQ-ta Qaskeleńdegi tıindi jasaýǵa 230 000 teńge jumsalǵany habarlanǵan edi. Bul aqparatty Agrarlyq ýnıversıtet stýdentteri joqqa shyǵardy.
Tıindi jasaýǵa stýdentter múldem qarjy jumsamaǵan.
«Tıindi jasaýǵa 230 000 teńge jumsaldy degen jalǵan sóz. Óıtkeni, biz eshteńe satyp almadyq. Biz shópti ózimiz shaptyq. Konstýrktsııa materıalyn da stýdentterge tegin berdik. Tıin eń basty másele emes, biz búgin tuńǵysh ret júrgizýshisiz júretin kombaındy testiden ótkizip jatyrmyz. Arnaıy jazylǵan baǵdarlama egin orý mashınasyn ózi basqaratyn bolady», - dedi «Qaskeleń agroparki» kommertsııalandyrý boıynsha mamany Rınat Fazylbekov.