Stýdentter sýsyz jumys isteıtin kirjýǵysh mashına oılap shyǵardy
ASTANA. 14 qańtar. QazAqparat - Argentınanyń eki stýdenti sýsyz jumys isteıtin kirjýǵysh mashına oılap tapty. Bul týraly ITAR-TASS habarlap otyr.
Kordova ulttyq ýnıversıtetiniń stýdentteri Nıkolas Araııa men Nıkolas Výksanovık bul ónertabystaryn dıplomdyq jumys retinde tanystyrdy.
Araııa men Výksanovık osy áreketteri arqyly qazirgi kezde basty problemalardyń birine aınalǵan tuşy sýdyń tapshylyǵyn sheshýge óz úlesterin qospaq nıette. Osy maqsat jeteginde olar jańa kirjýǵysh mashınany qurastyrýǵa kirisken eken. Azdap bolsa da báribir sý qoldanatyn basqa qurǵaq tazalaý mashınalarynan aıyrmashylyǵy, «Nımbýs» dep at qoıylǵan bul mashına múldem sý paıdalanbaıdy. Oǵan tek tabıǵı kómirqyshqyl gazy men patenttelgen ekologııalyq taza kir jýý quraly qajet. Sonymen qatar, ol elektr qýatyn da kádimgi kirjýǵysh mashınadan góri anaǵurlym az jumsaıdy. Osylaı jýylǵan kıimdi keptirýdiń de, útikteýdiń de qajeti joq.
Ónertabystary úshin ónerkásiptik dızaın salasyndaǵy eki jas maman eń joǵary degen baǵaǵa laıyq dep tanyldy. Olar ózderiniń jańa kirjýǵysh mashınalaryn patenttep aldy.
