Stýdentter saraıynyń shatyry josparly túrde buzyldy — QAZUÝ
ALMATY. KAZINFORM — Ál-Farabı atyndaǵy Qazaq ulttyq ýnıversıteti Ó.A. Joldasbekov atyndaǵy stýdentter saraıynyń shatyry josparly túrde bólshektelgenin habarlady.
Buǵan deıin áleýmettik jelilerde túngi ýaqytta ǵımarat shatyrynyń opyrylyp túsken vıdeolary tarady. Kýágerler qatty gúrsil bolǵanyn da aıtty.
QazUÝ baspasóz qyzmetiniń málimetinshe, jumys aldyn ala josparlanǵan.
— 2026 jylǵy 23 qyrkúıekte túngi ýaqytta Ó.A. Joldasbekov atyndaǵy Stýdentter saraıy ǵımaratynyń shatyryn josparly túrde bólshekteý jumystary júrgizildi. Qaýipsizdikti qamtamasyz etý jáne oqý protsesine kedergi keltirmeý maqsatynda barlyq jumys túngi ýaqytta atqaryldy. Merdigerler qaýipsizdik sharalaryn tolyq saqtady. Zardap shekkender joq, — dep habarlady ýnıversıtettiń baspasóz qyzmeti.
Osylaısha QazUÝ ǵımarat bóligi ózdiginen opyrylǵany týraly boljamdardy joqqa shyǵardy.
Buǵan deıin QazUÝ-dyń stýdentter saraıynyń bir bóligi opyrylyp túskeni habarlandy.
