Stýdentter sany ósse de, bilikti muǵalim sany artqan joq - Erlan Sydyqov
«Ótken jyldyń aıaǵynda elimizdegi bilim jáne ǵylymdy damytýdyń aldaǵy bes jylǵa arnalǵan memlekettik jospary qabyldandy. Bul jospar aıasynda buryn-sońdy bolmaǵan dárejede úlken qarajat bólinip otyr. Endigi maqsat –bólinetin qarjyny tıimdi paıdalanyp, ǵylym men bilim dárejesin qalaı kóterý kerektigin sheshý. Osy turǵydaǵy keshendi sharalardyń biri retinde QR Bilim jáne ǵylym mınıstrliginiń basshylyǵy Elbasynyń jáne Prezıdenttiń tapsyrmasyna oraı JOO sanyn azaıtý máselesintalǵa qoıyp otyr. Bul durys bastama, sebebi jumys berýshi adamnyń ultyna, azamattyǵyna emes, biliktiligine qaraıdy», - Erlan Sydyqov Ortalyq kommýnıkatsııalar qyzmetinde ótken brıfıngte.
Ol sannyń sapaǵa aınalatyn kezi kelgenin aıtty.
«1999 jyly álemde 90 mln. adam stýdent bolsa, 2019 jyly 200 mln. stýdent boldy. Stýdentterdiń sany artý tendentsııasy Qazaqstanda da bar. 2016 jyly elimizde 477 myń stýdent bolsa, 2018 jyly bul san 542 myńǵa jetken. Osy stýdentterge sabaq beretin bilimdi, bilikti muǵalimderdiń sany artty ma? Artty dep aıta almaımyz», - deıdi ol.
