Stýdentter robotqa qazaq tilinde óleń oqytyp, bı bıletetin baǵdarlama jasap shyǵardy

Stýdentter bul bastamalaryn eldiń ınnovatsııalyq alǵa ilgerileýine qosqan bir úlesimiz, dep esepteıdi.

Naýo esimdi robot taıaýda Abaıdyń 170 jyldyǵyna oraı uıymdastyrylǵan baıqaýda qazaqsha óleńdi oqyp ekinshi oryn alǵan. Óleń avtory, robotty qazaqsha sóıletken stýdent - Jeńis Otarbaı. Ol dostarymen birge Irlandııada oqyǵan Nazgúl Tájiǵalıevanyń jetekshiligimen Naýoǵa arnalǵan baǵdarlamany ázirlegen, dep jazady «Qazaqstan» arnasy.

Naýo - frantsııanyń Aldebaran kompanııasynyń ónimi. Dári berý, sabaq oqytý sekildi kishigirim qyzmetter atqara alady. Ýnıversıtet stýdentteriniń izdenisi arqasynda endi bıleıtin boldy.

Nazarbaev ýnıversıteti stýdentteri mundaı qultemirlerdiń áli talaıyn jasap shyǵarýy tıis. Bul baǵdarlamalardyń óndiriske enýi de múmkin. Bastysy - jańalyqqa qushtarlyq, ǵylymı izdenisti jalǵastyrý kerek, deıdi jastar.