Stýdentter ózderi salǵan jylyjaıdan ónim ala bastady

TALDYQORǴAN. QazAqparat - Almaty oblysyndaǵy Sarqan aýdanynyń jastary eshbir shyǵynsyz jylyjaı salyp, odan ónim ala bastady, dep habarlaıdy QazAqparat tilshisi.

Polıtehnıkalyq kolledj stýdentteri jalpy aýdany 200 sharshy metr bolatyn jylyjaıdy qolda bar zattardan salǵan. Nysan qurylysyna 100-den asa eski tereze men 10-ǵa jýyq jylý batareıasy jumsaldy.

Jastardyń bastamasyna qoldaý bildirgen oqý ornynyń basshylyǵy qajetti qural-jabdyqtarmen qamtamasyz etip, elektr jelilerin tartýǵa, tuqym alýǵa kómektesken.

«Jylyjaı qurylysyn ótken kúzde bastaǵan edik. Árıne, bastapqy kezde qıyn bolǵany ras. Іrgesi qalanǵan soń jumys qyza tústi. Aqpan aıynda alǵashqy ónimdi aldyq. Búginde kolledjimizdiń stýdentterin jergilikti kókónistermen qamtamasyz etip otyrmyz», - deıdi ІІІ kýrs stýdenti Maqsat Úmbetov.

Jylyjaıdan jyl on eki aı boıy ónim alynady. Onda qııar, qyzanaq, pııaz, shalǵam sııaqty kókónistiń birneshe túri bar. Osy aı – qııardyń pisip jetiletin ýaqyty.