Stýdentter onlaın oqýǵa kóshirilýi múmkin be – Saıasat Nurbektiń jaýaby

ASTANA. KAZINFORM – Ǵylym jáne joǵary bilim mınıstri Saıasat Nurbek elimizdegi tumaýǵa baılanysty stýdentterdiń onlaın oqýǵa kóshirilý múmkindigine qatysty pikir bildirdi.

- Jiti baqylaýda ustap otyrmyz. Qazirgi kezde joǵary oqý oryndaryndaǵy epıdemıologııalyq jaǵdaı turaqty. Densaýlyq saqtaý mınıstrligimen únemi baılanystamyz. Ázirshe josparlap otyrǵan joqpyz. Jalpy jaǵdaı baqylaýymyzda tur. Mektepke deıingi, orta bilim boıynsha Oqý-aǵartý mınıstrliginiń pikir bildirgeni jón, - dedi mınıstr búgin Aqordada BAQ ókilderiniń saýalyna oraı.

Aıta keteıik, búgin Aqordada Qazaqstan men Estonııa prezıdentteri kelissóz júrgizdi.

Buǵan deıin Densaýlyq saqtaý mınıstrligi jıi tumaýratýdyń sebebin túsindirgen edi.