Stýdentter metall qaldyqtarynan jylqy men kıiz úıdiń maketin jasady
NUR-SULTAN. QazAqparat - Pavlodar tústi metallýrgııa kolledjinde «Urpaqtar sabaqtastyǵy - qolónerde» atty oblystyq ınstallıatsııa baıqaýy ótti, dep habarlaıdy pavlodarnews.kz.
Baıqaý bilim berý basqarmasy «Rýhanı jańǵyrý» baǵdarlamasy, «Uly dalanyń jeti qyry» maqalasyn iske asyrý sheńberinde uıymdastyrǵan saıysqa oblysymyzdaǵy 10 tehnıkalyq jáne kásiptik bilim berý uıymynyń shákirtteri qatysyp, 16 jumys usyndy.
- Installıatsııa baıqaýyna oblystyń «Dánekerleý tehnologııalary» quzirettiligi boıynsha tehnıkalyq jáne kásiptik bilim berý uıymdarynyń stýdentteri «Uly dalanyń jeti qyry» baǵdarlamasynyń bir baǵyty boıynsha jeke nemese ujym daıyndaǵan jumystaryn ákeldi. Atap aıtsaq, atqa miný mádenıeti, Uly daladaǵy ejelgi metallýrgııa, ań stıli, Altyn adam, Túrki áleminiń besigi, Uly Jibek joly, Qazaqstan - alma men qyzǵaldaqtyń otany atty ınstallıatsııalardy jasaýda óz kúshterin synap kórdi, - dedi oblystyq bilim berý basqarmasy tehnıkalyq jáne kásiptik bilim berý bóliminiń ádiskeri Mıra Shyńǵysova.
Saraptamalyq keńes baıqaýǵa qatysýshylardyń usynǵan jumystarynyń mazmuny men atqarýshylyq sheberligin, oıdyń biregeıligi men kreatıvtiligin baǵalap, «Urpaqtar sabaqtastyǵy» jáne «Kreatıvti joba» nomınatsııasy boıynsha jeńimpazdardy anyqtady.
«Urpaqtar sabaqtastyǵy» nomınatsııasynda Pavlodar tehnıkalyq servıs kolledjiniń stýdenti Aleksandr Trýnov jeńimpaz atandy. Ol metall qaldyqtarynan jylqy men ıttiń músinin jasaǵan. Jylqynyń bıiktigi 1 metrdi quraıdy.
Al, «Kreatıvti joba» nomınatsııasynda metall qaldyqtarynan bıiktigi 60 santımetrge jýyqtaıtyn kıiz úı jasaǵan montajdaý kolledjiniń stýdenti ıÝrıı Týtaev jeńiske jetti.
Júldegerler men jeńimpaz atanǵan 6 jas qolónershige dıplomdar men baǵaly syılyqtar tabys etildi.
