Stýdentter kúlsalǵysh jasaý úshin zırattaǵy máıitti qazyp alǵan

17 jastaǵy qyz óziniń 19 jastaǵy qurbysy men 18 jastaǵy tanysyn osy jyldyń qańtar aıynda jer jerlengen egde áıeldiń máıitin eksgýmatsııalaýǵa kóndirgen. Jastar zırattan máıitti alyp shyǵyp, odan áıeldiń basy men qolynyń saýsaqtaryn bólip alǵan. Keıinirek olar quqyq qorǵaý organdarynyń qyzmetkerlerine bas súıekten kúlsalǵysh jasaǵylary kelgenin túsindirgen. Al qol súıekterine bal ashýda paıdalaný úshin olar rýna, ejelgi skandınavııalyq belgilerdi salmaq bolǵan. LifeNews telearnasynyń málimetteri boıynsha jastardyń bári tolyqqandy otbasylardan shyqqan. Qyzdardyń bireýiniń anasy veterınarlyq klınıkada bas dáriger boolyp qyzmet etedi. Quqyq qorǵaý organdary atalǵan fakti boıynsha tekserý jumystaryn júrgizýde. Al 84 jastaǵy zeınetkerdiń máıiti saraptamaǵa jóneltildi.