Stýdentter kolledj sheberhanasynda jasaǵan qolóner buıymdaryn sata alady - mınıstrlik

ASTANA. QazAqparat – Oqý-aǵartý mınıstrligi uıymdastyrǵan onlaın-brıfıngte Tehnıkalyq jáne kásiptik bilim departamentiniń basshysy Altaı Rahımberlın stýdentter kolledj sheberhanasynda daıyndaǵan qolóner buıymdaryn sata alatynyn aıtty, dep habarlaıdy QazAqparat tilshisi.

«Ótken jyly zańnamaǵa ózgeris engizildi. Endi tehnıkalyq jáne kásiptik bilim alyp jatqan stýdentter qandaı da bir sala boıynsha kolledj qabyrǵasyndaǵy sheberhanalarda jasaǵan buıymdaryn, taýarlaryn sata alady. Atap aıtqanda, dánekerleý isi, qolóner baǵytynda, jıhaz jasaý nemese shashtaraz, qyzmet kórsetý mamandyǵynda oqıtyn stýdentter ózderiniń qyzmetterin aqyly túrde kórsete alady. Qazirgi tańda elimiz boıynsha 444 memlekettik kolledj jumys jasasa, onyń 97-sinde oqý-óndiristik sheberhanalary bar», - dedi departament basshysy.

Brıfıngide Altaı Rahımberlın 2025 jylǵa deıin elimizdegi barlyq kolledjderde bilim alý tegin bolatynyn aıtty. Bul júıe kezeń-kezeńimen engizilmek.

Sondaı-aq, akademııalyq derbestik berilgen kolledjderde bilim alý merzimi qysqarady.