Stýdentter kofe tasyp júrmeıdi – Agenttik jastardy taǵylymdamaǵa shaqyrdy

NUR-SULTAN. QazAqparat - QR Sybaılas jemqorlyqqa qarsy is-qımyl agenttigi Kadr jumysy departamentiniń basshysy Nurlan Jaqsymbetov agenttiktegi stýdenttik taǵylymdamalardyń jańa formaty týraly aıtyp berdi, dep habarlaıdy QazAqparat tilshisi.

«Talant-menedjmentti engizý boıynsha da jospar kóp. Olardyń biri - sybaılas jemqorlyqqa qarsy qyzmettegi stýdenttik taǵylymdamalar men tájirıbeden ótýdiń jańa formatyn engizý. Taǵylymdamaǵa kelgen stýdentterdi papka tiktirýge, kofe tasýǵa májbúrleýden arylamyz. Jalpy álimjettikten túbegeıli bas tartýymyz qajet. Stýdentterdiń memlekettik qyzmetten jerip ketpeı, naqty jumys úırenip, jumys isteýge yntalanýy úshin JOO-larmen jańa baǵdarlamalar ázirleımiz», - dedi N. Jaqsymbetov.

Sonymen birge, spıker stýdentter arasynda «Jemqorlyqqa qarsy qyzmettiń 30 jańa esimi» jobasy bastalatynyn habarlady.

«Agenttik tóraǵasynyń sheshimimen Jastar jyly aıasynda ótkiziledi. Bul joba jemqorlyqqa qarsy qyzmettiń jańa býynyn qalyptastyrýdyń alǵashqy qadamy bolmaq. ıAǵnı, ádildik, adaldyq jáne senim negizinde stýdentterden joǵary bilikti mamandardy daıarlap shyǵaramyz. Ortalyq pen óńirlerde ofıtser, tergeýshi, bas maman jáne sarapshy laýazymdary arasynda konkýrstar júrgiziledi», - dedi Nurlan Jaqsymbetov.

Aıta keteıik, buǵan deıin Agenttik ókili qyzmetkerlerdiń jeke adaldyq kartasy týraly baıandaǵan bolatyn.