Stýdentter Ǵashyqtar kúni Qozy Kórpesh pen Baıan sulýǵa aınaldy
ÓSKEMEN. QazAqparat - Ǵashyqtar kúninde S. Amanjolov atyndaǵy ShQMÝ stýdentteri JOO qabyrǵasynda alǵash ótip otyrǵan shyǵarmashylyq baıqaýda óshpes mahabbatymen dúnıejúzine belgili bolǵan qazaq eposynyń keıipkerleri Qozy Kórpesh pen Baıan sulýǵa aınaldy, dep habarlady «QazAqparat» HAA tilshisi.
Baıqaýdaǵy juptar jarystyń tórt kezeńinen ótti - tanystyrý, poetıkalyq baıqaý, teatr jáne tarıhı kórinis. Kýrstas-kórermenderge olar qazaq halqynyń dástúrin kórsetip, lırıkalyq mahabbat eposynan úzindiler men óleńder oqydy. Belgili ǵashyqtardyń mahabbat tarıhynan qoıylymdar kórsetti. Jastar qazirgi kezde qyzdar men jigitter arasynda týyndaıyn túrli jaǵdaılardy da sahnalap berdi.
Qatysýshylar baıqaý sońynda bergen blıts-suhbatynda Qozy Kórpesh pen Baıan sulý tarıhy jastardyń jadynda máńgi saqtalatynyn, ýaqyt shegine baǵynbaıtynyn jetkizdi. Endi olar qaıǵyly aıaqtalǵan, qos ǵashyqtyń ólmeıtin mahabbaty jaıly biletin bolady.
Jastardyń kóbi ózderiniń shynaıy, taza mahabbattaryn kútip júrse, tek bireýi ǵana óziniń ǵashyǵymen sezimdi bastan keship júrgenin aıtyp berdi. Qyzdar bul suraqqa jaýap berýge qysyldy, alaıda ózderiniń súıiktilerin tabatyndaryna senimdi ekenderin jetkizdi.
Baıqaý qorytyndysy boıynsha Júrsin Jumabaev pen Іlııas Іnjý eń daryndy ǵashyqtar dep tanylyp, gran-prıdi jeńip aldy. Birinshi oryndy Nurbaqyt Tannur men Aqmaral Baımýrzına aldy.
Ýnıverstıtettiń tárbıe jumysy men áleýmettik máseleler bóliminiń mamany Álııa Aıtýǵanova aıtqandaı, Qazaqstannyń óskeleń urpaqqa jetkizer ulttyq uly ańyzdary, óziniń batyrlary, ańyzdary, dástúr bar.
