Stýdentter arasyndaǵy ÁCh: Qazaqstan boksshylary 3 medal jeńip aldy

ASTANA. QazAqparat - Qalmaq Respýblıkasynyń astanasy Elısta qalasynda ótken stýdentter arasyndaǵy álem chempıonatynda otandastarymyz bir altyn, bir kúmis jáne bir qolaǵa qol jetkizdi, dep habarlaıdy QazAqparat tilshisi.

QR Boks federatsııasy baspasóz qyzmetiniń habarlaýynsha, altyn medaldi Abaı Qýandyqov (52 keli) jeńip alsa, kúmis júldeni Bekbolat Quramysov (69 keli) qanjyǵasyna baılaǵan. Al qola júldege Erjan Ordabaev (60 keli) ıe boldy.

Abaı Qýandyqov fınalda Taıbeı elinen kelgen Hon Chýan-Hsýndy tize búktirdi. Al Bekbolat Quramysov sheshýshi aıqasta taǵy bir Taıbeı ókili Pan Hýn-Mıngpen judyryqtasty. Óte tartysty ótken jekpe-jekte qazylar jeńisti qarsylasqa berdi.