Stýdentter arasynda ótip jatqan Álem chempıonatynyń birinshi kúni polshalyq sportshylar top jardy

3 myń metrlik qashyqtyqta Katarına Voznıak aldyna jan salmady. Ol bul qashyqtyqty 4:19:18 mınýtta basyp ótti. Ekinshi oryn belorýssııalyq sportshy Marına Zýevanyń enshisine tıdi. Onyń kórsetkishi - 4:20:74 mınýt. Al reseılik Elena Sohrıakova 4:21:64 mınýtpen úshinshi oryndy ıemdendi.

Erler arasynda komandalyq óksheleı qýalaý jarysynda da polshalyq sportshylardyń mereıi ústem boldy. Olar 3:56:82 mınýtpen birinshi oryndy jeńip aldy. Ekinshi orynda ıtalıalyqtar. Olardyń kórsetkishi: 3:57:65 mınýt. Al úshinshi orynǵa norvegııalyq sportshylar kóterildi. Olar polshalyq básekelesterinen 4,89 mınýtqa qalyp qoıdy.

Sondaı-aq, polshalyq ıAn Szımanskıı 1500 metrlik qashyqtyqty 1:47:32 mınýtta basyp ótip, jeńiske jetti. Ekinshi orynda reseılik Dmıtrıı Fedotov. Onyń kórsetkishi 1:50:73 mınýt. Al ıtalıalyq Mırko Djakomonenzı 1:51:38 mınýttyq nátıjemen úshinshi oryndy enshiledi.

Aıta ketelik, Chempıonattyń ashylý saltanaty men jeńimpazdardy marapattaý rásimi búgin keshki saǵat 18:00-de bolady. Saltanatty shara kontserttik shoý-baǵdarlamaǵa ulasady.