Stýdentter 1 myń shaqyrym jolǵa nebári 1 lıtr janarmaı tutynatyn kólik qurastyrdy
ASTANA. QazAqparat - Izmırdegi Gedızlı ýnıversıtetiniń ınjenerlik fakýltetinde oqıtyn stýdentter nebári 1 lıtr janarmaıdy paıdalanyp, myńdaǵan shaqyrym júrýge qabiletti avtomobıl jobasyn jasady. Bul gıbrıdti avtomobıl olardyń burynǵy eńbekterin damytýdyń kelesi satysyna aınaldy, dep habarlaıdy ITAR-TASS.
Injenerler keleshekte 5 myń shaqyrymǵa nebári 1 lıtr janarmaıdy ǵana paıdalanatyn tejegishti jetildirmek. Túrik stýdentteriniń tyń ıdeıasy kún energııasyn, elektr, benzın, energııanyń almasý júıesi arasynda teńgerim ornatýdy kózdeıdi. Bul kómirsýtegi otynyn paıdalanýdy eń tómengi deńgeıge deıin azaıtýǵa múmkindik beredi.
Stýdentter tobynyń bul eńbegi «Shell Ekomarafon» avtoprototıpteri jarysyn uıymdastyrýshylardy eleńdetti. Olar túrik stýdentterin mamyrdyń ortasynda Gollandııada ótetin jarysqa qatysýǵa shaqyrdy. Marafonǵa úlgerý úshin stýdentter kólikti qurastyryp, onyń kúıin keltirip, daıyndaýǵa kiristi. Bul saıysta olar 26 elden kelgen 229 komandamen baq synasady.
