Stýdentti zorlap, 7 qabattan ıterip jibergen aqtóbelik sottaldy

AQTÓBE. KAZINFORM – Aqtóbede stýdentti zorlap, keıin qylmysyn jasyrý úshin ony kópqabatty úıdiń balkonynan ıterip jibergen sottalýshy 18 jylǵa bas bostandyǵynan aıyryldy. Ol 10 mln teńge moraldyq zııandy óteýi tıis.

Bul is Aqtóbe oblysynyń qylmystyq ister jónindegi mamandandyrylǵan aýdanaralyq sotynda jabyq qaraldy. Sottalýshyǵa Qylmystyq kodekstiń «Zorlaý», «Adam óltirý» baptarymen aıyp taǵyldy. Іs materıalyna súıensek, 2023 jyldyń 8 maýsymynda A. Aqtóbe qalasyndaǵy páterde jábirlenýshige kúsh qoldanyp, ony zorlaǵan. Ol mas bolǵan. Sodan soń qylmysyn jasyrý úshin jábirlenýshini 7 qabattan ıterip jiberdi. 

- Jábirlenýshi balkonnyń aǵash jaqtaýyna ilinip, qulap qalmaýǵa tyrysqan. Alaıda sottalýshy óziniń qylmystyq nıetin sońyna deıin jetkizý úshin jábirlenýshiniń eki qolynan doǵal zatpen urǵan. Soqqydan keıin jábirlenýshi jetinshi qabattan qulady. Sottalýshynyń kinási jábirlenýshilerdiń, káýlardyń, sarapshylardyń jaýaptarymen, saraptama qorytyndylarymen, zattaı dáleldemelermen rastaldy. Sottyń úkimimen sottalýshy A. kináli dep tanylyp, oǵan qylmystyq quqyq buzýshylyqtar jıyntyǵy negizinde 18 jylǵa bas bostandyǵynan aıyrý jazasy taǵaıyndaldy. Sottalýshydan jábirlenýshilerge 10 000 000 teńge moraldyq zııan óndirildi,- dep habarlady Aqtóbe oblysynyń qylmystyq ister jónindegi mamandandyrylǵan aýdanaralyq sotynyń baspasóz qyzmeti. 

Sot úkimi zańdy kúshine engen joq