Stýdent tamaq jetkizetin kýrer qyzmetin atqaratyn dron robot jasap shyǵardy

ASTANA. QazAqparat - Sýleımen Demırel atyndaǵy ýnıversıtettiń 4 kýrs stýdenti Beksultan Aıten kýrerlerdiń qyzmetin almastyratyn dron oılap taýyp, jas mıllıoner atandy, dep habarlaıdy QazAqparat.

Ǵylym jáne joǵary bilim mınıstrliginiń málimetinshe, bul drondar tapsyrys berýshige býrger, pıtstsa, doner sııaqty fast-fýdty tez arada jetkize alady.

Qazir onyń drondaryna kásipkerler qyzyǵýshylyq tanytyp otyr.

Injenerlik jáne jaratylystaný fakýltetiniń stýdenti Beksultan Áıtende alty túrli dronnyń prototıpi bar, sol drondardy satýmen de aınalysady.

Ol robottardy SDÝ tehnoparkinde qurastyryp, sol jerde tsıfrlyq tehnologııa salasyndaǵy jobalaryn da jaryqqa shyǵardy.

Endi aldaǵy ýaqytta áskerı maqsatta qoldanýǵa bolatyn robot drondardy jasaǵysy keledi.

Sondaı-aq Beksultan robototehnıkany úırenýge arnalǵan bilim jınaqtaryn shyǵarýdy josparlap otyr.

Onyń aıtýynsha, sonyń arqasynda balalar óz betinshe keremet tehnologııalardy oılap taba alady.

Foto: gov.kz