Stýdent sýretke túsemin dep, murajaıdaǵy músindi syndyrdy
ASTANA. QazAqparat - Mılandaǵy murajaıdyń birine kelgen stýdent sýretke túsemin dep, XIX ǵasyrdyń qundy jádigeri sanalatyn músindi syndyryp aldy, dep habarlaıdy Dnı rý.
Oqıǵa mılandyq Brer ásem ónerler akademııasynda oryn alǵan. Ondaǵy murajaıǵa kelgen jas jigit músinge shyǵyp, ózin sýretke túsirmek bolǵan. Selfı (ózin ózi sýretke túsirý) jasaımyn dep turǵanda, músinniń sol aıaǵyn syndyryp aldy. Belgili bolǵandaı, synǵan músin álemge «Mas satır» dep degen atpen tanymal áıgili músinniń kóshirmesi bolyp shyqty.
Aıaqsyz músindi kelesi kúni akademııanyń qyzmetkerleri taýyp alǵan. Sondaı-aq oqıǵa beınebaqylaý kamerasyna túsip qalǵan. Sonyń kómegimen músindi aıaqsyz qaldyrǵan jigit tabyldy.
Aıta keterligi, Eýropada atalǵan músinniń kóshirmeleri kóp kezdesedi. Basylymnyń habarlaýynsha, bul murajaıdaǵy vandalızmge qatysty birinshi oqıǵa emes. Jaqynda ıspandyq zeınerker áıel Saragos qalasynyń mańynda ornalasqan ǵıbadathanadaǵy Isa paıǵambar beınelengen qabyrǵadaǵy sýretti óz qolymmen jóndeımin dep, irgeni tutas boıaýmen syrlap tastady. Zeınetkerdiń bul jóndeýinen keıin qabyrǵadaǵy sýret adam «tanymastaı» ózgerip ketken bolatyn.
