Stýdent sýda erip ketetin paket oılap tapty
ASTANA. 22 qańtar. QazAqparat - Qazan ulttyq tehnologııalyq zertteý ýnıversıtetiniń stýdenti Ivan Zaharov sýda bir kúnde erip ketetin ekologııalyq plenkany oılap tapty, dep jazady ITAR-TASS.
400-den 1500 jylǵa deıin shirimeı, jer qyrtysyn lastaıtyn qarapaıym polıetılendi paketterden góri bir kúnde erip ketetin paketter árıne áldeqaıda tıimdi, ári ekologııalyq taza. ıAǵnı qazirgi bizdiń qoldanyp júrgen paketterdiń balamasyna ábden jaraıdy. «Plenka qarapaıym krahmaldan jasaldy. Sondyqtan paıdalanyp bolǵannan keıin sýǵa salsańyz bolǵany, ol erip ketedi», - deıdi Zaharov. Qazir stýdent óziniń ónertabysyn patentteýdi qolǵa aldy. Bul ınnovatsııa Qazannyń «Samosyrovo» qoqys óńdeý kesheniniń basshylary men «Qazan ekologııalyq kesheni» kompanııasynyń qyzyǵýshylyǵyn týdyryp otyr.
