Stýdent pen magıstranttarǵa taǵaıyndalatyn Prezıdent stıpendııasynyń kólemi qansha

ASTANA. QazAqparat – Ashyq NQA portalynda QR Ǵylym jáne joǵary bilim mınıstriniń 2023 jylǵa arnalǵan Prezıdent stıpendııasyn berý jóninde eki buıryǵynyń jobasy talqyǵa salyndy, dep habarlaıdy QazAqparat tilshisi.

Ondaǵy málimetke sáıkes, bıyl Prezıdent stıpendııasy 1080 bakalavr stýdenti men 8 magıstrantqa taǵaıyndalady.

Sondaı-aq Prezıdent stıpendııasy tórt mınıstrlik arasynda bólinedi.

Ǵylym jáne joǵary bilim mınıstrligi - 1005 bakalavr stýdentine jáne 7 magıstrantqa;

Mádenıet jáne sport mınıstrligi - 24 bakalavr jáne 1 magıstratýra stýdentine;

Densaýlyq saqtaý mınıstrligi - 6 stýdentke;

Aýyl sharýashylyǵy mınıstrligi - 45 stýdentke taǵaıyndaıdy.

Prezıdenttik stıpendııa alǵan stýdentteri bar joǵary oqý oryndary arasynda L. N. Gýmılev atyndaǵy Eýrazııa ulttyq ýnıversıteti(102), ál-Farabı atyndaǵy Qazaq ulttyq ýnıversıteti (96), Abaı atyndaǵy Qazaq ulttyq pedagogıkalyq ýnıversıteti (94), M. Áýezov atyndaǵy Ońtústik Qazaqstan ýnıversıteti(60), A. Baıtursynov atyndaǵy Qostanaı óńirlik ýnıversıteti (55), E. A. Bóketov atyndaǵy Qaraǵandy ýnıversıteti (47) kósh basynda tur.

Eske sala ketsek, Stıpendııa JOO rektorynyń buıryǵymen taǵaıyndalady jáne bir oqý jylynyń bir semestri boıy tólenedi. Stıpendııaǵa ıe bolý úshin grantpen oqý mindetti emes, ony aqyly bólim stýdentteri men magıstranttary da ıelene alady.

2023 jyly bakalavr stýdentine taǵaıyndalǵan Prezıdent stıpendııa mólsheri – 73 320 teńge, magıstranttarǵa – 173 974 teńge.