Stýdent qyzdyń kóligin Ózbekstanda satpaqshy bolǵan qylmysker ustaldy
ASTANA. 9 aqpan. QazAqparat /Arman Asqarov/ - Almatydaǵy saýda úıiniń janynda 20 jastaǵy stýdent qyzdy pyshaqpen qorqytyp, onyń «Mersedes Bents» markaly avtomashınasyn ıemdenip ketken qylmysker ustaldy.
Bul týraly búgin QR Іshki ister mınıstrliginiń resmı ókili Qýanyshbek Jumanov málim etti.
Jedel-izdestirý is-sharalarynyń nátıjesinde polıtsııa qyzmetkerleri Ózbekstan Respýblıkasynyń 24 jastaǵy azamatyn quryqtady. Kúdikti urlanǵan avtomashınany Ózbekstanda satpaqshy bolǵan. Odan pyshaq pen urlanǵan avtomashına tárkilendi. Qazirgi ýaqytta qylmyskerdiń osyǵan uqsas ashylmaǵan qylmystarǵa qatysy bar-joǵy anyqtalýda.
