Stýdent qyzdy soqqyǵa jyqqan oqýshynyń ákesi Antıkorda jumys istemeıdi
Naýryz aıynyń sońynda «ADK» saýda úıiniń ájethanasynda kolledjde oqıtyn boıjetken soqqyǵa jyǵylǵan bolatyn. Keıin áleýmettik jelide boıjetkendi urǵan oqýshy qyzdyń ákesi Antıkorda qyzmet etetini jaıly aqparat taraı bastady.
«Áleýmettik jelilerde «ADK» saýda ortalyǵynda bolǵan oqıǵaǵa qatysýshylar men ShQO Sybaılas jemqorlyqqa qarsy qyzmette jumys isteıtinderdiń biriniń týystyǵy týraly aqparat shyndyqqa sáıkes kelmeıdi. Oqıǵaǵa qatysqan adamdardyń Antıkor qyzmetkerlerimen eshqandaı týystyq baılanysy joq.
Osy rette, áleýmettik jelilerdi paıdalanýshylarǵa QR Qylmystyq kodeksiniń 274-baby 2-bóliginiń 3-tarmaǵyna sáıkes buqaralyq aqparat quraldaryn nemese aqparattyq-kommýnıkatsııalyq jelilerdi paıdalana otyryp kórineý jalǵan aqparat taratqany úshin 3 jylǵa deıingi merzimge bas bostandyǵynan aıyrýǵa deıingi qylmystyq jaýaptylyq kózdelgenin eskertemiz», - deıdi ol.