Stýdent qarmaǵyna ilikken akýlamen eki saǵat boıy «serýendedi» - VIDEO
ASTANA. QazAqparat - Amerıkanyń Florıda shtatyndaǵy kolledjdiń birinde bilim alyp júrgen stýdent Adam Fısk basynan qyzyq jaǵdaıdy ótkerdi. Balyq aýlap júrgende, ony qarmaǵyna ilingen balǵa-balyq súıretip áketti. Nátıjesinde stýdent akýlamen eki saǵat boıy serýendeýge májbúr boldy, dep jazady sheteldik BAQ.
Oqıǵa Boınton-Bıch qalasynyń mańynda oryn alǵan.
«Jemi bar qarmaqty sýǵa tastaǵanym sol edi, úlken balǵa-balyq ilikti. Ol meniń dál qasymda bolǵan shamasy. Bir qyzyǵy, maǵan jaqyn bolǵanyn basynda sezbedim», - dedi A.Fısk.
Qarmaqqa ilingen úsh metrlik akýla balyqshyny eki saǵat boıy muhıtta súırep júrgen. Osy aralyqta Fısktyń qaıyǵy shamamen 20 shaqyrym júrip ótipti. Salmaǵy 11 fýt bolatyn balyqpen bolǵan eki saǵattan keıingi «serýennen» keıin stýdent qarmaqtyń baýyn kesip tastaǵan.
Eń bastysy, stýdent akýlamen bolǵan serýendi beınekameraǵa túsirip alyp, jazbany YouTube jelisine salyp qoıǵan. Odan stýdenttiń ekstremaldyq balyq aýlaýshylardyń beıresmı klýbyna múshe ekenin baıqaýǵa bolady. Sebebi, bul uıymnyń músheleri balyq aýlaý kezinde túsirilgen jazbalardy ǵalamtorǵa jıi salady.
