Stross-Kannyń tólqujatyn qaıtaryp, AQSh-tan ketýine ruqsat berdi
ASTANA. 29 tamyz. QazAqparat - HVQ burynǵy basshysy Domınık Stross-Kannǵa tólqujatyn qaıtaryp berdi, endi ol AQSh-tan qalaǵan ýaqytynda kete alady.
Bul jóninde Agence France-Presse-ke HVQ burynǵy basshysynyń jaqtaýshylary habarlady.
Lenta.rý-dyń habarlaýynsha, Stross-Kannǵa tólqujaty men basqa da qujattaryn seısenbi kúni qaıtaryp berý kerek bolatyn. Alaıda 23 tamyzda AQSh-ta bolǵan jer silkinisi birqatar memlekettik mekemelerdiń jumys kestesin ózgertip, HVQ burynǵy basshysy qujattarynyń qaıtarylýyn taǵy eki kún kútýge májbúr boldy.
Stross-Kannyń AQSh-tan naqty qashan keteri ázirge belgisiz. Boljam boıynsha, otanyna oralmas buryn ol Vashıngtondaǵy Halyqaralyq valıýtalyq qordyń shtab-páterine barmaq. HVQ eks-basshysynyń burynǵy jumys ornyna kirip-shyǵýy jóninde beısenbi kúni baspasóz hatshysy Devıd Haýlı (David Hawley) habarlady. «Biz HVQ kez kelgen burynǵy dırektor-basqarýshylary sııaqty, Stross-Kanndy da qýanyshpen qarsy alamyz», - dep qosty Haýlı.
