Stross-Kannǵa qarsy qylmystyq is jabylýy múmkin
ASTANA. 22 tamyz. QazAqparat - Manhetten prokýratýrasy Nıý-Iork Joǵarǵy sotynyń sýdıasy Maıkl Obýsqa «Sofıtel» qonaqúıiniń qyzmetshi áıeli Nafıssatý Dıallony jábirlemek boldy dep aıyptap otyrǵan HVQ burynǵy dırektor-basqarýshysy Domınık Stross-Kannǵa qatysty qylmystyq isti toqtatý jóninde usynys jasaýǵa múddeli,
dep jazady New York Post.
Basylymnyń málimetteri boıynsha, Stross-Kannyń isimen aınalysatyn Manhetten aımaqtyq prokýratýrasy seısenbi kúni sot otyrysynda Dıallonyń bergen túsiniktemesinde shyndyqqa janaspaıtyn birqatar kúdikterdiń bolýyna baılanysty sotqa eks-sheneýnikke taǵylǵan barlyq aıyptaýlardy alyp tastaý jóninde ótinish jasaıtyn bolady. Belgili bolǵandaı, qyzmetshi áıel atalǵan is boıynsha túsinikteme bergen ýaqytynda ǵana ótirik aıtyp qoımaı, sonymen qatar AQSh-tan saıası baspana suraǵan kezinde de amerıkalyq basshylyqqa jalǵan aqparat usynǵan, dep habarlaıdy ITAR-TASS.
«Aryzdy qabyldamaı tastaý jónindegi ótinishte aryzdanýshynyń bergen túsiniktemesiniń shyndyqqa janaspaıtyndyǵyn dáleldeıtin basqa da jańa aıǵaqtar usynyldy», - dep jazady basylym.
