Stross-Kan endi qyzmetkerlerdi tek er adamnan jaldaıdy
ASTANA. 1 maýsym. QazAqparat - Halyqaralyq valıýta qorynyń burynǵy basshysy Domınık Stross-Kan sot úkimin kútip, úıqamaqta turyp jatqan Nıý-Iorktegi páterin tazalap jınaýǵa tek er adamdardy jaldaıtyn boldy.
- Osyndaı jolmen, - dep jazady búgin amerıkanyń baspasózi, Stross-Kan áıel aınaldyrdy degen jańa aıyptaýlardan saqtanýdy kózdeıtin sııaqty, - dep habarlaıdy ITAR-TASS.
Ótken aptada Halyqaralyq valıýta qorynyń eks-basshysynyń otbasy jalǵa alyp otyrǵan aýmaǵy 630 sharshy metr baspanasyn jınap, tazalaýǵa eki er adamdy shaqyrǵan. Baspasózdiń aıtýynsha, olar aıyptalýshynyń qyzy men áıeline dúken aralap, saýda jasaýǵa kómektesken.
AQSh-ta qonaqúıdiń qyzmetker áıelin zorlaýǵa áreket jasady degen aıyp taǵylyp otyrǵan HVQ burynǵy basshysy qazirgi ýaqytta Nıý-Iorktiń Traıbek aýdanyndaǵy 14 mıllıon dollar turatyn úsh qabatty úlken úıde turyp jatyr. Úıdiń ishinde kınoteatr, trenajer zaly, saýna, tórt uıyqtaıtyn bólme bar. Osy úıde turǵany úshin Stross-Kan aıyna 50 myń dollar páteraqy tóleıdi.
