Strestik aktıvter týraly zań sheteldikterdiń jer ıelenýine múmkindik bermeıdi - agenttik
Bul týraly QR Qarjy naryǵyn retteý jáne damytý agenttigi tóraǵasynyń orynbasary Oljas Qızatov ortalyq kommýnıkatsııalar qyzmetinde ótken brıfıngide aıtty
«Zańda strestik aktıvterdi avtorızatsııalanǵan satyp alýshylardyń qoldanystaǵy tizimin jeke ınvestorlardy, onyń ishinde beırezıdentterdi qosý arqyly keńeıtý kózdeledi. Bul memlekettiń qarajatyn tartpaı, bankterdiń balansyn jumys istemeıtin kredıtterden tazartýdyń naryqtyq tetigin jasaıdy. Bul rette, buǵan deıin bankter týraly zańnyń 36-1-babyna sáıkes avtorızatsııalanǵan satyp alýshylar tizimine qarjy jáne memlekettik uıymdar ǵana, atap aıtqanda: ekinshi deńgeıdegi bankter, bankterdiń strestik aktıvterdi basqarý jónindegi enshiles uıymdary, problemalyq kredıtter qory, kollektorlyq agenttikter jáne basqa da qarjy uıymdary kirdi. Bul rette jeke tulǵalardyń kredıtin ınvestorlarǵa satý kózdelmegen», -dep túsindirdi agenttik tóraǵasynyń orynbasary.
Sondaı-aq, ol problemaly nesıege jer telimi kepil retinde qoıylǵan bolsa, sheteldikterdiń ony 2026 jyldyń aıaǵyna deıin satyp ala almaıtynyn eske saldy.
«Bizde Jer kodeksinde 2026 jylǵa deıin QR rezıdenti emes tulǵalarǵa jer telimin satýǵa, ýaqytsha paıdalanýǵa berýge ýaqytsha moratorıı jarııalanǵan. ıAǵnı, Strestik aktıvter naryǵyn damytý jónindegi zańnyń qabyldanýy sheteldikterge jer telimin ıelenýge múmkindik bermeıdi», - dedi Oljas Qızatov.