Stress tisti búldiredi
ASTANA. Jeltoqsannyń 30-y. QazAqparat - Shveıtsarııalyq ǵalymdar strestiń tisterge keltiretin zııanynyń da az emes ekenin anyqtady,
dep habarlaıdy QazAqparat Ýtro.rýǵa silteme jasap.
Ǵalymdar 50 stýdentov-medıkterdi zerttedi. Tsıýrıhtyń psıhologtary men stomatologtary stýdent jastardyń tisteri men psıhıkalaryn muqııat baqylaýǵa aldy. Stýdentter eki topqa jikteldi: birinshi toptyń ókilderi aı boıy kúrdeli sessııaǵa daıarlandy, al ekinshi toptyń stýdentteri ádettegi sabaqtarǵa qatysyp júrdi.
Zertteýlerdiń nátıjeleri boıynsha mamandar sessııa aldyndaǵy stress tister men qyzylıektiń jaı-kúıine keri áser etetinin anyqtady. Emtıhan qarsańynda bas kótermeı daıarlanǵan barlyq stýdentterdiń aýyz qýystarynyń jaı-kúıi is júzinde nasharlaı túsken, al altaýynyń qyzylıegi qabynǵan.
Ekinshi toptaǵy stýdentterdiń tisteri men aýyz qýystarynyń jaı-kúıi ózgerissiz saqtalǵan. Ǵalymdar zertteýlerdiń qorytyndylary boıynsha adamdar stress kezinde barynsha jıi tistenedi degen toqtamǵa keldi. Dál osy faktor tisterge keltiretin zııannyń negizi bolatyn kórinedi.
