Street workout KZ: Denıs Ten men Azamat Beket estafetany Qanat Islamǵa joldady
Aıta ketsek, bul bastamanyń maqsaty - buqaralyq sportty Qazaqstanda taratý. Street Workout - bul kóshedegi jappaı sporttyń qarqyndy damyp kele jatqan túri bolyp tabylady. Arnaıy tehnıkany talap etpeıdi: barlyǵy qarapaıym, ol úshin kóshedegi týrnıkter men arqandar jetkilikti.
Jobanyń negizgi syılyǵy - konkýrstyń jeńimpazy atanǵan aımaq Street Workout-pen aınalysý úshin jańa alańǵa ıe bolady. Ol úshin baıqaýdyń sharttaryn oryndaý qajet. Sharttary da óte qarapaıym, qazaqstandyqtar jattyǵý beınelerin jelilerde bólisse jetkilikti. Baıqaý jaıly tolyǵyraq Challenge Street Workout KZ veb-saıtynan bile alasyzdar.
Eske sala ketsek, «Street Workout KZ» aktsııasyn QR Mádenıet jáne sport mınıstri Arystanbek Muhamedıuly bastap bergen bolatyn. Arystanbek Muhamedıuly jobany ózi bastap, «Street Workout KZ» baıqaýyn - Olımpıada chempıony Serik Sápıevke, tanymal ánshi Qaırat Nurtasqa, tanymal qazaqstandyq akter Ádil Ahmetovqa joldaǵan edi.
Al budan keıin boksshy Baqtııar Artaev pen taekvondoshy Arman Chılmanov QR Mádenıet jáne sport mınıstri Arystanbek Muhamedıulynyń Street workout KZ boıynsha bastamasyn ilip áketken bolatyn.
Bul joly aktsııany Atyraý oblystyq dene shynyqtyrý jáne sport basqarmasynyń basshysy Azamat Beket Beıjiń Olımpıada oıyndarynyń taekvandodan qola júldegeri Arman Chılmanovtan estafetany qabyldap, Sochı Olımpıada oıyndarynyń qola júldegeri mánerlep syrǵanaýshy Denıs Ten jáne bokstan álem chempıony Galıb Djafarovpen birge beıne-úndeý túsirdi. Rolıkte sportshylar barlyq qazaqstandyqtardy street workout-pen aınalysýǵa shaqyrdy.
«Biz barlyq qazaqstandyqtardy salaýatty ómir saltyn ustaýǵa shaqyryp, osy chellendjdi áıgili kásipqoı boksshymyz Qanat Islamǵa jáne grek-rım kúresi boıynsha Olımpıada chempıony ıÝrıı Melnıchenkoǵa joldaımyz», - dedi sportshylar.
