Street Workout: astanalyqtarǵa arnap úsh aı boıy tegin ashyq jattyǵýlar ótedi
ASTANA. KAZINFORM — Astana qalasynda buqaralyq sportty damytýǵa baǵyttalǵan Workout City jobasy bastalady.
Joba aıasynda elorda turǵyndary men qonaqtary úshin úsh aı boıy Street Workout boıynsha tegin ashyq jattyǵýlar uıymdastyrylady, dep habarlaıdy qala ákimdiginiń resmı saıty.
Joba Astana qalasy ákimdiginiń, Astana qalasynyń Dene shynyqtyrý jáne sport basqarmasynyń qoldaýymen «Zań jáne tártip» aktsııasy aıasynda júzege asyrylady.
Uıymdastyrýshylardyń aıtýynsha, Workout City jobasy turǵyndardy turaqty dene belsendiligine tartýǵa, jastar arasynda kóshe sporty mádenıetin damytýǵa jáne buqaralyq sporttyń qoljetimdiligin arttyrýǵa baǵyttalǵan. Úsh aı boıy jalǵasatyn tegin jobaǵa elorda turǵyndary men qonaqtary qatysyp, kásibı nusqaýshylardyń jetekshiligimen jattyǵý múmkindigine ıe bolady.
Workout City jobasy 2026 jylǵy 22 maýsym men 22 qyrkúıek aralyǵynda ótedi.
Jattyǵýlar eki lokatsııada uıymdastyrylady:
Botanıkalyq baq (Orynbor kóshesi jaǵyndaǵy negizgi kireberis):
• dúısenbi, sársenbi jáne juma kúnderi;
• saǵat 20:00-den 21:00-ge deıin.
Ortalyq saıabaq (Jaǵalaýdaǵy amfıteatr men St. Regis qonaqúıiniń aralyǵy):
• seısenbi, beısenbi jáne senbi kúnderi;
• saǵat 20:00-den 21:00-ge deıin.
Jattyǵýlarǵa jasyna jáne dene daıyndyǵy deńgeıine qaramastan barlyq nıet bildirýshi qatysa alady. Qatysý tegin.
Jobanyń saltanatty ashylý rásimi 21 maýsym kúni saǵat 16:00-de Astana qalasynyń Ortalyq saıabaǵynda ótedi.
Ashylý saltanaty barysynda kásibı Street Workout sportshylarynyń kórsetilimderi, ashyq jattyǵýlar, sporttyq baıqaýlar, syılyqtar men júldeler utysy, arnaıy qonaqtardyń qatysýymen kezdesýler jáne motıvatsııalyq is-sharalar uıymdastyrylady.
Joba boıynsha qosymsha aqparatty kelesi baılanys nómiri arqyly alýǵa bolady: +7 (771) 282 80 60.
Aıta ketelik Astanalyqtar jaz boıy tegin ıogamen aınalysa alatyny týraly jazǵan edik.
