Strategııalyq josparlaý jáne reformalar jónindegi agenttik qurylady

NUR-SULTAN. QazAqparat - Strategııalyq josparlaý jáne reformalar jónindegi agenttik qurylady. Bul týraly Memleket basshysy Qasym-Jomart Toqaev Qazaqstan halqyna jyl saıynǵy dástúrli Joldaýynda málim etti, dep habarlaıdy QazAqparat tilshisi.

Іndet pen daǵdarys jaǵdaıynda memlekettik basqarýdyń qazirgi júıesi barynsha qarqyndy jumys istep jatqanyna toqtalǵan Prezıdent, «Shuǵyl mindetterdi sheshý ýaqyt pen resýrstardy qajet etedi. Alaıda aldaǵy keńistikti nazardan tys qaldyrmaý kerek. Sondyqtan tikeleı Prezıdentke baǵynatyn Strategııalyq josparlaý jáne reformalar jónindegi agenttik qurý týraly sheshimdi qabyldadym», - dedi Memleket basshysy.

Osy oraıda Q. Toqaev osy tektes organ buǵan deıin bolǵanyn, ol ózine júktelgen mindetterdi tabysty oryndaǵanyn eske saldy.

Prezıdenttiń aıtýynsha, endi ol qaıtadan memlekettik josparlaýdyń barsha júıesiniń ortalyq býyny bolady. Agenttik daıarlaǵan reformalar naqty bolýy tıis.

Belgili bolǵandaı, agenttik quramyna Statıstıka komıteti aýysady.