Strategııalyq nysandar memleket menshigine qalaı qaıtarylady

ASTANA. QazAqparat – Parlament Senatynyń tóraǵasy Máýlen Áshimbaev strategııalyq nysandardy memleket menshigine qaıtarý jóninde pikir bildirdi, dep habarlaıdy QazAqparat tilshisi.

«Eger biz aktıvter týraly emes, JEO sııaqty obektiler týraly aıtsaq, strategııalyq obektilerdi memleket menshigine qaıtarý máselesi qaralyp jatyr. Munda barlyq jaǵdaılar úshin biryńǵaı sheshim joq – keıbir aımaqtarda óte jaýapty ınvestorlar bolýy múmkin, eger olar bárin durys jasasa, ýaqytynda jóndeý jumystaryn júrgizse, óz mindettemelerin oryndasa, áleýmettik jáne ekologııalyq erejelerdi saqtasa, olar jumys isteı alady dep oılaımyn. Biraq problemaly nysandar nemese ıeleri jumys istemeıtini týraly sıgnal bolǵan obektiler boıynsha JEO jáne basqa obektiler qalypty rejımde jumys isteýi úshin olardy memleketke qaıtarý múmkindigi qarastyrylady. Barlyǵy elimizdiń zańdaryna sáıkes bolady», - dedi M. Áshimbaev Senat kýlýarynda tilshilerge bergen suhbatynda.

Onyń aıtýynsha, Úkimet yqtımal syn-qater baıqalǵan aımaqtardy anyqtaıdy.

«Ári qaraı bul máseleler jappaı emes, jeke-dara qarastyrylýy múmkin. Bul úshin memlekettiń osy jaǵdaılarda nysandardy alý mindetin jeńildetetin qandaı da bir jańa quqyqtyq normalar jasaý qajet bolsa, biz olardy jedel qabyldaýǵa daıynbyz», - dedi M. Áshimbaev.

Buǵan deıin Máýlen Áshimbaev Senattyń osy másele boıynsha Úkimetke tıisti saýaldaryn joldaıtynyn aıtqan edi.

Aıta keteıik, búgin Ekibastuzda 25 kóppáterli, 90 jer úı jylýsyz otyr.