Strategııalyq basymdyqtardy anyqtaý kerek – Prezıdent tehnıkalyq jáne kásiptik bilimdi damytý jaıly
NUR-SULTAN. QazAqparat – Tehnıkalyq jáne kásiptik bilim berý uıymdarynyń damýyna keshendi túrde kelip, kolledjderdi senimdi basqarmaǵa aýysýyndaǵy strategııalyq basymdyqtardy anyqtaý kerek. Prezıdent Qasym-Jomart Toqaev Tamyz keńesinde Úkimetke osyndaı tapsyrma berdi, dep habarlaıdy QazAqparat tilshisi.
«Taǵy bir mańyzdy másele – ýaqyt pen eńbek naryǵynyń talabyna saı arnaıy orta bilim berý oqý oryndaryn jańǵyrtý. Tájirıbe kórsetip otyrǵandaı, kolledjderde basymdyq tek materıaldyq-tehnıkalyq qamtamasyz etýmen ǵana jumystyń bári shektelip qalatynyn kórsetip otyr. Bul – resýrs jaǵynan shyǵynǵa ushyratatyn ádis. Úkimetke tehnıkalyq jáne kásiptik bilim berý uıymdarynyń damýyna keshendi túrde jaqyndap, kolledjderdi senimdi basqarmaǵa aýysýynda strategııalyq basymdyqtardy anyqtaýdy tapsyramyn», - dedi Prezıdent Tamyz konferentsııasynda.
Bul rette Memleket basshysy dýaldy oqytýdy damytý, túlekterdi jumysqa turǵyzý jumysyna mańyz berýge shaqyrdy.
«Bul jerde men jaqsy mysal retinde Atyraýdaǵy munaı salasynyń kadrlaryn daıyndaıtyn kolledjdi aıtar edim. Jumys sapary kezinde ol kolledjge baryp qaıtqanmyn», - dedi Qasym-Jomart Toqaev.
