Strategııalyq áriptestik qadamdary - respýblıkalyq basylymdarǵa sholý
>***
Elbasy Nursultan Nazarbaevtyń Italııa eline jasaǵan resmı sapary jaıynda «Egemen Qazaqstan» gazetinde maqala jaryq kórdi. Jarııalanymda Memleket basshysynyń Italııa Respýblıkasynyń Premer-Mınıstri Sılvıo Berlýskonımen kezdeskeni jaıynda jazylǵan. «Qazaqstan basshysy basqa elderdiń lıderlerimen kezdeskende, kelissóz júrgizgende óz Otanynyń múddesin qatty qorǵaıtyny belgili. Álbette, mundaı qasıet áriptesterine de tán ekenin bile tura, solaı jasaıtyny bar. Mundaıda olardyń bir-birin túsinýi, bir-birin qurmetteýi aıryqsha mańyzdy. Barys-kelis saparlar barysynda da, kelissózder kezinde de Nursultan Ábishulynyń aıryqsha túsinisetin basshylarynyń biri Berlýskonı ekendigine kózimiz jete túsken. Kelisimge kelýshi basshylar sheshe alsa, olardan keıingi oryndaýshylar alysqa ketpeıtini aıan ǵoı. Qazaqstan men Italııa arasynda osyndaı bir-birinen alysqa ketpeýshilik, ıaǵnı bir-birine umtylýshylyq aıqyn baıqalady», dep jazady basylym. Maqala «Strategııalyq áriptestik qadamdary» degen taqyryppen berilgen.
Sonymen qatar osy gazette jarııalanǵan kelesi maqalada keshe Qazaqstan Prezıdenti Nursultan Nazarbaev Italııa Respýblıkasyna resmı saparyn aıaqtaǵan soń, Rımdegi Vatıkan Memleketine resmı saparmen kelgendigi jaıynda jazylǵan. Memleket basshysynyń Rım Papasy Benedıkt HVІ-men kezdesýi jaıyndaǵy tolyq maǵlumatty basylymda jaryq kórgen «Qasıetti taqpen qatynas nyǵaıa tústi» degen maqaladan oqı alasyzdar.
Sondaı-aq basylymnyń «Parlament» atty arnaýly betinde elimizdiń zań shyǵarýshy organynyń qyzmetine qatysty birneshe maqala toptamasy jaryq kórgen.
***
Elbasynyń osy sapary jaıynda «Aıqyn» gazeti de keńinen jazǵan.
«Aıqyndalmaǵan aqıqat nemese renishke toly baspasóz máslıhaty týraly» degen taqyryppen «Aıqyn» gazetinde jaryq kórgen maqalada keshe QR Aýyr atletıka federatsııasy uıymdastyrǵan baspasóz máslıhaty jaıynda aıtylǵan. Oǵan basty sebep Beıjiń olımpıadasynda Qazaqstan qorjynyna altyn medal salǵan Ilıa Ilınniń osydan biraz buryn óziniń materıaldyq jaǵdaıynyń nasharlyǵy jaıynda aıtqan málimdemesi boldy. Aıtylǵan jaıt tóńiregindegi tolyq aqparatpen basylymnyń búgingi sanynan habardar bolasyz.
Almatydaǵy Álemdik ekonomıka jáne saıasat ınstıtýtynda «Qazaqstandaǵy azamattyq qoǵam: ahýaly men bolashaǵy» atty halyqaralyq konferentsııa ótti. Atalǵan ınstıtýt pen Qazaqstannyń tuńǵysh Prezıdenti qorynyń uıymdastyrýymen ótken jıynǵa birqatar shet memleketterdiń elshileri men konsýldary, sarapshylar men saıasatkerler qatysty, dep jazady «Aıqyn» gazeti. Halyqaralyq konferentsııada aıtylǵan jaıttarmen osy basylymda jaryq kórgen «Qazaqtildi úkimettik emes uıymdarǵa qashan kóńil bólinedi?» degen maqaladan egjeı-tegjeıli tanysa alasyzdar.
Osy basylymda Astana qalalyq tilderdi damytý basqarmasynyń bastyǵy Orazgúl Asanǵazymen aradaǵy suhbat jaryq kórdi. «Anamyzdyń tilin kózdiń qarashyǵyndaı qasterlep, qasıetimizdeı kıe tutýǵa tıispiz» degen taqyryppen berilgen ekeýara áńgimeniń tolyq nusqasyn gazettiń 3-shi betinen oqı alasyzdar.
***
«Astana aqshamy» gazetiniń senbilik sanynda «Saýaldar sát saıyn túsip jatyr» degen taqyryppen maqala jaryq kórdi. Onda qarashanyń 13-inde Elbasy N.Nazarbaev halyqpen tikeleı baılanysqa shyǵatyndyǵy aıtylyp, qazirgi ýaqytta Elbasyna joldanyp jatqan saýaldardyń naqty derekteri keltirilgen.
Osy basylym «Qazaqstannyń el birligi doktrınasy» atty talqylaýǵa arnalǵan jobany oqyrman nazaryna usynǵan.
***
«Qazaqstanda ıslamdyq bank ashylmaq. Mundaı málimettiń eldi kezip júrgenine birshama ýaqyt boldy. Ázirge QR Ádilet mınıstrliginde tirkeýden ótip jatqan «Ál- Hılal» bankiniń ashylý saltanaty 2009 jyldyń sońyna josparlanyp otyr. Degenmen, ıslam memleketterinen kelgen «Islamic Financial Services Board», «Cham Islamic Bank» sııaqty iri bankter el-elde óz fılıalyn ashýǵa tyrysyp baǵýda, bul ıslamdyq bankterdiń damý qarqynynyń údeı túskenin kórsetse kerek. Ásirese, olardyń Ortalyq Azııa memleketterine degen umtylysy aıryqsha. Sonyń ishinde halqynyń 90 paıyzǵa jýyǵyn musylmandar quraıtyn, álemdik ekonomıkada qaryshtaı qanat jaıyp kele jatqan Qazaqstanda atalmysh bank qurylymy óte yńǵaıly bolyp otyr», dep jazady «Túrkistan» gazeti. Atalmysh jaıtqa qatysty tolyq aqparat «Islamdyq bankter Qazaqstanǵa bet burdy» degen maqalada berilgen.
***
«Qyrǵyzstan ekstremıstermen kúrespekshi». Osy taqyryppen «Ana tili» gazetinde shaǵyn maqala jaryq kórdi. «Apta basynan beri qyrǵyz aǵaıyndar jumylyp keńes quryp, qyzý talqylasý ústinde. Dálirek aıtqanda, buǵan deıin aıtylmaı kelgen dinı taqyryp qozǵalyp, talaıdyń esin alýda. Sol jıynnyń negizgi sebepshisi bolǵan jaıt, Qyrǵyzstan Parlamentiniń depýtaty, basqarýshy «Aq jol» partııasynyń ókili Ernest Akramov ózi múshe bolyp tabylatyn Parlament fraktsııasy jınalysynda dinı ekstremısterdiń memleket bıligin basyp alýy ábden múmkin ekendigin málimdedi», dep jazady basylym.
***
«Kazahstanskaıa pravda» basylymnyń jazýynsha, keshe Memleket basshysynyń atyna túsken saýaldardyń sany 10 myńnan asyp túsken. Al bir kúnde 1500-2000 saýal qoıylýda. Túsip jatqan saýaldardyń basym kópshiligi halyqty áleýmettik qorǵaý, turǵyn úı qurylysy salasynda bolyp otyr.
Qazirgi zamanǵy jaǵdaıda respýblıkanyń metallýrgııalyq alyby «ArseleorMıttal Temirtaý» AQ-nyń jumysy qalaı órbýde? Bul saýalǵa osy kásiporynnyń bas dırektory Frank Pannır atalmysh gazetke bergen suhbatynda tolyq jaýap bergen.
«Vremıa», «Ekspress-K» gazetteriniń senbilik sanynda Olımpıada chempıony Ilıa Ilınge jalaqy tólenbeı otyrǵandyǵy jazylǵan. Bul máseleni Májilistiń jalpy otyrysynda Qyzylorda oblysynan saılanǵan depýtat Murat Ábenov kótergen. Osy jaıtqa qatysty maqalalarmen atalǵan basylymdardyń búgingi sanynan tolyq maǵlumat alasyzdar.
