«Strategııa» zertteý ortalyǵy qazaqstandyq qoǵam pikiriniń qorytyndylaryn jarııalady
ALMATY. Tamyzdyń 16-sy. QazAqparat /Erbol Turymbetov/ - Búgin Almatyda «Strategııa» áleýmettik jáne saıası zertteýler ortalyǵy» qoǵamdyq qory «Іshki jáne syrtqy saıasattaǵy aıtýly oqıǵalar: qazaqstandyq qoǵam pikiri» taqyrybyndaǵy áleýmettik zertteýiniń qorytyndylaryn jarııalady,
dep habarlaıdy QazAqparat.
Saýalnama bıyl shilde aıynyń 14-20 aralyǵynda júrgizildi. Oǵan respýblıkanyń 14 oblysy men 2 respýblıkalyq mańyzy bar qaladan jalpy sany 1592 adam qatysty. Іrikteme 3 %-dyq senimdilik aralyǵyndaǵy 95%-dyq yqtımaldylyqty qanaǵattandyrady.
«Saýalnama basty 4 suraqtyń negizinde júrgizildi. Qorytyndylary boıynsha, qoǵam oń kózqarasta ekendigin kórsetti. Máselen, eldiń ekonomıkalyq jáne materıaldyq jaǵdaıyn «óte jaqsy» nemese «jaqsy» dep baǵalaýshylardyń sany 44 %-ǵa teń. Al Prezıdenttiń jumysyna kóńili tolatyndardyń sany ótken aqpan aıymen salystyrǵanda 4 %-ǵa ósip, 89 %-dy qurady», dedi «Strategııa» ÁSZO» QQ-nyń prezıdenti Gúlmıra Eleýova. Onyń aıtýynsha, Qyrǵyzstandaǵy saıası jaǵdaılardan da qazaqstandyqtardyń basym bóligi joǵary deńgeıde aqparattandyrylǵan. Bul saıası oqıǵalar jóninde de eldiń qoǵamdyq pikiri jáne ózindik ustanym tolyq qalyptasqan.
