«Strategııa-2025» josparynda ekonomıkalyq negizder qamtylǵan - Oljas Qudaıbergenov
«Bul Strategııada men úsh negizgi máselege kóńil aýdarǵym keledi. Birinshi - bul barlyq protsester men salalarǵa aýqymdy tsıfrlandyrý ene bastaıdy. Bunyń ózi sheshim qabyldaýlarǵa ketetin ýaqytty barynsha únemdep, eńbek ónimdiligin arttyrady. Ekinshi - qujatta aıtarlyqtaı ekonomıkalyq negiz qamtylǵan, onyń úlesi boıynsha bıýdjettiń JІÓ 18-den 25 protsentke ósedi. Al ulttyq valıýtadaǵy kredıtteý 18-den 50% jetedi. Buǵan deıingi qujattarda dál osyndaı kórsetkish bolmaǵan. Úshinshi - qujatta óńirlerdi teńdestirýdi qarastyratyn bólim bar. Bul da asa mańyzdy», - dedi O. Qudaıbergenov.
Sarapshynyń pikirinshe, Strategııalyq jospar jobasy negizinen júzege asyrýǵa daıyn. ıAǵnı, Úkimet bekitken jaǵdaıda ony birden iske asyrýǵa kirisý mańyzdy.
«Meniń bilýimshe, strategııa jobasy maýsym aıynan bastap qolǵa alyndy, aı saıyn onda ózgerister engizilip otyrǵanyn kózben kórdim. Sonyń ishinde reformalar men bastamalar bóliminde erekshe talqylaýlar órbidi. Búgin mine, sońǵy nátıjesimen tanysyp otyrmyz. Erteń qujat Úkimettiń qaraýyna usynylady. Onda sál-pál ózgerister engizilýi múmkin, al jalpylama alǵanda qujat túrli súzgilerden ótti, sarapshylar, sheteldik uıymdar men memlekettik organdar arasynda ishki talqylaýlar jasaldy», - dep atap ótti O. Qudaıbergenov.
Eske sala keteıik, búgin «Atameken» ulttyq kásipkerler palatasynda sarapshylarmen ashyq dıalog ótkizgen QR Ulttyq ekonomıka mınıstri Tımýr Súleımenov «Qazaqstan Respýblıkasynyń 2025 jylǵa deıingi strategııalyq damý josparyn» tanystyrǵan bolatyn .
