Strasbýrgtegi atystyń saldarynan qaıtys bolǵandar sany 4 adamǵa jetti
ASTANA. QazAqparat - Frantsııanyń Strasbýrg qalasynyń ortalyǵy Kleberde uıymdastyrylǵan jármeńkege jaqyn mańda bolǵan atys saldarynan qaıtys bolǵandar sany 4 adamǵa jetti. Bul týraly Anadoly agenttigi habarlaıdy.
Agenttiktiń jazýynsha, atys saldarynan 4 adam mert bolyp, 11 adam zardap shekti, dep habarlaǵan Nıjnıı Reın departamentiniń ókilderi.
Frantsııalyq BAQ qarýly shabýyl jasaǵan azamattyń esimi belgili ekendigin habarlady. Osy ýaqytta ony izdestirý jumystary júrip jatyr. Bılik ókilderi bolǵan jaǵdaıdy terakt dep baǵalap otyr.
Polıtsııa oqıǵa bolǵan aýdandy qorshaýǵa alyp, onda qoǵamdyq kólikterdiń qozǵalysy toqtatylǵan.
Osy oqıǵaǵa baılanysty Frantsııa prezıdenti Emmanýel Makron Elıseı alańynda ótýi tıis májilisti toqtatty.
Strasbýrgtegi Eýroparlament ǵımaraty mańynda qaýipsizdik sharalary kúsheıtildi.
Osyǵan deıin Strasbýrg ortalyǵynda atys bolǵandyǵy habarlandy.
Sondaı-aq atys saldarynan qaıtys bolǵandar sanynyń artqandyǵy jazyldy.
Sonymen qatar Strasbýrgte sársenbi qaraly kún bolyp jarııalandyǵy habarlandy.
