Strasbýrgtegi atys qurbandaryn eske alý: Eıfel munarasynyń jaryǵy sóndiriledi
ASTANA. QazAqparat - Strasbýrg qalasynda bolǵan atys saldarynan qaza tapqandardy eske alý úshin sársenbi kúni túnge qaraı Eıfel munarasynyń jaryǵy sóndiriledi. Bul týraly Parıj meri Ann Idalgo málimdedi, dep habarlaıdy QazAqparat.
Eske sala ketsek, seısenbi kúni belgisiz bireý Strasbýrgtegi rojdesvolyq jármeńke mańynda oq jaýdyrǵan edi.
Sońǵy málimetterge qaraǵanda, atys saldarynan úsh adam mert bolyp, 13-i jaralanǵan.
«Biz sársenbi kúni tún ortasyna taman Starsbýrgtegi shabýyl saldarynan mert bolǵandardy eske alý úshin, sondaı-aq olardyń jaqyn-týystaryn jáne Strasbýrgtiń barlyq turǵyndaryn qoldaý úshin Eıfel munarasynyń jaryǵyn sóndiremiz»,- dep jazdy Parıj meri Twitter-ge.
