Strasbýrgte Reseıdegi musylmandar jaıly fılm kórsetilmek
ASTANA. 8 aqpan. QazAqparat - Osy jyldyń sáýir aıynda Strasbýrgte ótetin «Tórtinshi bılik» ІІ-shi Halyqaralyq medıa-forýmnyń qorytyndy kezeńinde Reseıdegi ıslam jáne onyń qoǵamdyq ári memlekettik organdarmen ózara yqpaly sóz bolady. Al forýmnyń alǵashqy kezeńi Sheshenstan astanasynda ótedi
muslim.kz saıtynyń jazýynsha, búgin Máskeýdegi tilshiler úıinde «Zolotoe sechenıe» dep atalatyn Halyqaralyq BAQ kongresi uıymdastyratyn aldaǵy is-sharaǵa arnalǵan baspasóz máslıhaty ótti. Oǵan Reseıdegi musylman uıymdary men BAQ ókilderi qatysty.
IslamNews aqparat agenttigine habarlaǵandaı, forýmda ultaralyq qatynastyń qyr-syrymen, musylmandar jaılaǵan aımaqtardyń ózindik damý erekshelikterimen jáne reseılik BAQ-taǵy musylmandar taqyrybynyń kórinis tabýymen baılanysty máseleler kóteriledi.
«Jınalys» qoǵamdyq birlestikter qaýymdastyǵynyń ókili - Rashıd Ysqaqovtyń aıtýynsha, Strasbýrgte «Reseı maqtan tutatyn musylmandar» atty fılm kórsetiledi. Onda Reseı Federatsııasynyń damýyna úles qosyp júrgen ıslam ókilderi jaıynda baıandalady.
