Strasbýrgte qoǵamdyq kólik balalar úshin tegin bolady
NUR-SULTAN. QazAqparat – Strasbýrg bıligi aǵymdaǵy jyldyń 1 qyrkúıeginen bastap qaladaǵy 18 jastan kishi turǵyndar úshin qoǵamdyq kólikpen júrýdi tegin etýdi josparlap otyr. Bul týraly QazAqparat Le Parisien gazetine silteme jasap habarlaıdy.
Basylym málimetinshe, qoǵamdyq kólikpen tegin júrý quqyǵyna qalanyń 80 myńǵa jýyq turǵyny ıe bolady. Bul shara qala ortalyǵynda kómirqyshqyl gazy qaldyqtarynyń sanyn tómendetý maqsatynda engizilýde. Gazettiń jazýynsha, bılik tegin júrýdi engizgen soń, ata-analardyń balalaryn jeke kólikpen tasymaldaýy azaıa túsedi. Tegin júrý úshin, 18 jasqa deıingi turǵyndarǵa kóliktik kompanııaǵa qalada turatynyn dáleldeıtin qujatty usynýy qajet bolady.
Bıliktiń esepteýinshe, bul shara arqyly eki balasy bar otbasy jylyna 550 eýroǵa deıin qarjyny únemdeı alady.
