Strasbýrgte belgisiz bireýler Jańa jyl túni 220 mashınany órtep jiberdi
PARIJ. QazAqparat – Frantsııada Strasbýrg polıtsııasy qalanyń batys aýdandaryndaǵy Jańa jyl túni jappaı kólik órtengen oqıǵaǵa kúdikti 40 adamdy ustady, dep habarlady sársenbi kúni Dernieres Nouvelles d'Alsace gazeti.
Aldyn ala málimetterge qaraǵanda, 220 avtomobıl kúlge aınalǵan.
«Bizde kóp jyldan beri mundaı oqıǵa bolmaǵan», - dep moıyndady Strasbýrg meriniń qaýipsizdik jónindegi orynbasary Rober Erman. «Men eshqashanda mundaıdy kórgen joqpyn. Turǵyndar ádette mashınalaryn úıleriniń terezeleri mańyna qoıady. Strasbýrgtiń barlyq turǵyn úı oramdarynda da osyndaı. Biraq eshkim tıispeýshi edi».
Áleýmettik jelini qoldanýshylar túngi qasaqana órt qoıý oqıǵalarynyń kadrlaryn, kóshe ortasynda janyp jatqan ne aýdarylǵan avtomobılderdiń kórinisterin jarııalap jatyr.
Tań atqanǵa deıin jalǵasqan tártipsizdikti basý kezinde birneshe quqyq qorǵaý organdarynyń qyzmetkerleri jaralanǵan.
Mundaı keleńsiz jaǵdaı Mıýlýz, Mıýttsıg, Oberne, Barre jáne Selesta qalalarynda da oryn aldy.
