Strasbýrg ýnıversıteti energııa únemdeý úshin qysta jumysty eki aptaǵa shekteıdi

BRıÝSSELЬ. QazAqparat – Energııany únemdeý maqsatynda Strasbýrg ýnıversıteti (Frantsııa) qysqy demalystyń bir aptaǵa uzartylatynyn, al jańa jyldyq úzilisten keıingi semestrde oqý onlaın rejımde ótetinin málimdedi, dep habarlaıdy QazAqparat menshikti tilshisi.

Strasbýrg ýnıversıteti energııa únemdeý úshin qysta jumysty eki aptaǵa shekteıdi

Bul sharany ýnıversıtet basshylyǵy Frantsııa úkimetiniń energııa baǵasynyń ósýine baılanysty únemdeý týraly úndeýine baılanysty qabyldady.

5 qyrkúıekte Frantsııa prezıdenti Emmanýel Makron frantsýzdarǵa elektr qýatyn tutynýdy 10%-ǵa azaıtýǵa shaqyrdy.

19 qyrkúıekte Strasbýrg ýnıversıtetiniń prezıdenti Mıshel Deneken stýdentterge Rojdestvolyq demalysty bir aptaǵa uzartý jáne aqpan aıynda bir apta boıy qashyqtan oqýǵa kóshý týraly habarlady.

Jergilikti gazetterdiń habarlaýynsha, Frantsııa oqý ornynyń ǵımarattary shamamen 57 myń stýdentke jabylady.

Sonymen qatar, ýnıversıtet basshylyǵy jylý kezeńinde ǵımarattarda temperatýrany 19 gradýsqa deıin shekteýdi josparlap otyr. Bul jaǵdaıda kúzde jylý «múmkindiginshe keshirek» qosylady.

Ótken jyly JOO-nyń energııa shyǵyny 10 mln eýrony qurady. Onyń ishinde 5 mln eýro elektr energııasyn tóleýge, 2 mln gazǵa jáne 3 mln eýro jelilik jylytýǵa jumsaldy.