Strasbýrg týrnıri: Zarına Dııas vengrııalyq tennısshimen kezdesedi
ASTANA. QazAqparat - Qazaqstannyń birinshi, álemniń 53-inshi raketkasy Zarına Dııas Strasbýrg (Frantsııa) týrnıriniń ekinshi aınalymynda vengrııalyq Tımeıa Baboshpen kezdesedi, dep habarlaıdy QazAqparat tilshisi.
Álemniń 37-inshi raketkasy, Vengrııa eliniń ókili alǵashqy kezdesýinde dúnıejúzilik reıtıngte 256-ynshy satyda turǵan frantsııalyq Fıona Ferrony 6:4, 6:0 esebimen tize búktirdi. Jýyrda 25-ke tolǵan, Zarına sııaqty 1993 jyly dúnıe kelgen T.Babosh júlde qory 300 myń AQSh dollaryna jýyqtaıtyn osy týrnırdiń altynshy raketkasy bolyp tirkelgen.
Sol sııaqty Frantsııanyń taǵy bir qalasy Lıonda erler qalasynda ótip jatqan týrnırde Qazaqstannyń birinshi, álemniń 91-inshi raketkasy Mıhaıl Kýkýshkın alǵashqy aınalymda frantsııalyq Gregýar Barrerdi utsa, argentınalyq Federıko Korııamen sheberlik baıqasady. F.Korııa birinshi matchynda otandasy Nıkolas Kıkkerdi 4:6, 6:1, 7:5 esebimen jeńdi.
Sondaı-aq qazirgi kezde Frantsııa ashyq chempıonatynyń irikteý saıystary da ótýde. Ókinishke qaraı, qazaqstandyqtar, álemniń 240-ynshy raketkasy Aleksandr Nedovesov pen dúnıejúzilik reıtıngte 141-inshi satyda turǵan Aleksandr Býblık birinshi kezdesýinde-aq jeńilip qaldy.
A.Nedovesov álemniń 122-inshi raketkasy, shvetsııalyq Elıas Imerge 6:0, 5:7, 1:6 esebimen ese jiberdi. Al A.Býblık reıtıngte ózinen tómen turǵan álemniń 261-inshi raketkasy, germanııalyq ıAn Choınskıden 5:7, 4:6 esebimen utyldy. Sóıtip ekeýi de álem birinshiligimen teń sanalatyn Rolan Garros týrnırine qatysýdan úmitterin úzdi.
Eske sala keteıik, budan buryn Zarına Dııastyń Strasbýrg týrnıriniń ekinshi aınalymyna shyqqanyn jazǵan bolatynbyz.
