Strasbýrg týrnıri: Elena Rybakına jartylaı fınalda jeńisti julyp aldy

ASTANA. KAZINFORM — Qazaqstannyń birinshi, álemniń 12-raketkasy Elena Rybakına Strasbýrg (Frantsııa) WTA 500 týrnıriniń fınalyna shyqty.

Jarystyń 4-raketkasy bolyp tirkelgen qazaqstandyq tennısshi dúnıejúzilik reıtıngide 23-orynda turǵan brazılııalyq Beatrıs Haddad-Maııamen betpe-bet keldi. 

Birinshi partııada taı-breıkte Elena basymdylyq tanytty — 7:6 《9:7).

Ekinshi partııada brazılııalyq tennısshi ese qaıyrdy — 6:1.

Úshinshi, sheshýshi partııada Beatrıs 2:0 esebimen alda turdy. Budan keıin qazaqstandyq tennısshi qatarynan alty geımdi aldy — 6:2.

Eki saǵat 46 mınýtqa sozylǵan tartysty matchta Rybakına 8 eıspen birge 13 breık-poınttyń úsheýin paıdalandy. Haddad-Maııa 4 eıs, 3 breıkpen (11 breık-poınt) kózge tústi.

Elena Rybakına sońǵy básekede álemniń 19-raketkasy, reseılik Lıýdmıla Samsonova nemese reıtıngide 46-satydaǵy amerıkalyq Danıel Kollınzben chempıondyq ataqty sarapqa salady. 

Eske sala keteıik, budan buryn Elena Rybakınanyń Rolan Garros týrnırinde Olımpıada chempıonymen oınaıtynyn jazǵan bolatynbyz.

Sondaı-aq Jibek Qulambaeva Serbııadaǵy jarystyń jartylaı fınalyna shyqty.