Strandja-2025: Tórehan Sabyrhan grýzııalyq qarsylasyn 5:0 esebimen jeńdi
ASTANA. KAZINFORM – Bolgarııa astanasynda ótip jatqan bokstan halyqaralyq «Strandja kýboginiń» tórtinshi jarys kúninde 11-shi boksshymyz jartylaı fınalǵa shyqty.
67 keli salmaqta óner kórsetip jatqan qazaqstandyq boksshy Tórehan Sabyrhan shırek fınalda grýzındyq Lasha Gagnıdzemen judyryqtasty. Eresekter arasyndaǵy dodaǵa jaqynda qosylǵan otandasymyz ózin qarsylasynan bási bıik ekenin tolyqtaı dáleldedi. Ol asa tartysty ótken básekede qarsylasyn 5:0 esebimen jarys jolynan taıdyryp, jartylaı fınalǵa joldama aldy.
Aıta ketsek, ulttyq quramadaǵy Tórehan Sabyrhan men Mahmud Sabyrhan aǵaıyndy boksshylar.
Ókinishke qaraı, búgin Mahmudqa dárigerler 3 naýryzǵa deıin jarystarǵa qatysýǵa bolmaıtynyn aıtty. Oǵan basty sebep – taǵamnan ýlaný. Bul týraly osyǵan deıin jazǵan bolatynbyz.