Strandja—2025: Bekzat Nurdáýletov pen Nurbek Oralbaı jartylaı fınalǵa shyqty

ASTANA. KAZINFORM — Bolgarııa astanasy Sofııa qalasynda ótip jatqan dástúrli halyqaralyq Strandja týrnıriniń úshinshi jarys kúni sharshy alańǵa shyqqan qazaqstandyq boksshy Bekzat Nurdáýletov jartylaı fınalǵa shyqty.

86 kelige deıingi salmaqta el namysyn qorǵap jatqan otandasymyz ekinshi jekpe-jeginde, ıaǵnı shırek fınalda frantsýzdyq Abýlaıe Traoremen judyryqtasty. Úsh raýnd qorytyndysy boıynsha Bekzat 5:0 esebimen jeńiske jetip, jartylaı fınalǵa shyqty.

Esterińizge sala keteıik, keshe Bekzat ózbek boksshysyn birinshi raýndta nokaýtqa túsirgen bolatyn. 

Sondaı-aq, 86 kelige deıingi salmaqta Nurbek Oralbaı da jartylaı fınalǵa joldama aldy. Ol shırek fınalda Skott Tıgndy 5:0 esebimen jarys jolynan taıdyrdy. Endi onyń 1 naýryz kúni ótetin 1/2 fınaldaǵy qarsylasy Boldyrev Semen (Bolgarııa) bolady.

Keshe Nurbek Oralbaı 1/8 fınalda rıng qojaıyny Manýel Jechevpen kezdesip, qarsylasyn nokaýtpen jeńgen edi.

Sonymen qatar búgin atalǵan týrnırde taǵy bir qazaqstandyq boksshy Farýh Toqtasynov (71 keli) shırek fınalǵa shyqty. Ol óz kezeginde aǵylshyndyq boksshy Patrık Heıvıtten aılasyn asyrdy. Farýh qarsylasyn 5:0 esebimen aıqyn jeńdi.