Strandja týrnırinde qazaqstandyq alty boksshy altynǵa talasady

ASTANA. KAZINFORM — Bolgarııa astanasy Sofııa qalasynda ótip jatqan halyqaralyq Strandja týrnıriniń besinshi jarys kúni, 28 aqpanda elimizdiń erler quramasynan eki boksshy altyn medalǵa talasady.

23 aqpan-2 naýryz aralyǵynda bolyp jatqan týrnırge 36 elden 300-den astam boksshy keletini naqtylandy. Olardyń arasynda Bolgarııadan bólek Qazaqstan, Ózbekstan, AQSh, Kýba, Ázerbaıjan, Brazılııa, Ýkraına, Mońǵolııa, Anglııa, Túrkimenstan, Qytaı Taıpeıi jáne ózge memleketter bar.

El quramasynan Danıal Sábıt (50 keli) jekpe-jeksiz fınalǵa shyqty. 2025 jylǵy Qazaqstan chempıony jartylaı fınalda ózbekstandyq Asılbek Jalılovpen kezdesýi tıis bolatyn. Qarsylasy alǵan jaraqatyna baılanysty sharshy alańǵa shyǵýdan bas tartty.

Sondaı-aq qazaqstandyq taǵy bir bylǵary qolǵap sheberi Farýh Toqtasynov (70 keli) Ózbekstan sportshysy Shavkatjon Boltaev jartylaı fınal jekpe-jegin ótkizbeıtin boldy. Oǵan basty sebep — qarsylasynyń jaraqat alýy.

Aıta ketsek, budan buryn el quramasynan Elına Bazarova (54 keli), Laýra Esenkeldi (65 keli), Valerııa Aksenova (80 keliden joǵary) fınalǵa shyqqan edi.

Al otandasymyz Nadejda Rıabets (80 keli) eshqandaı jekpe-jeksiz birden fınalǵa joldamaǵa qol jetkizdi.

Aıta ketsek, Qazaqstan quramasy Bolgarııa astanasyna 39 boksshyny attandyrdy. Bıyl «Strandja kýbogy» 77 márte ótkizip jatyr. Bul týrnır Eýropa qurlyǵyndaǵy tarıhı tereń sporttyq jarys sanalady.