Strandja týrnırinde fınalda búgin qazaqstandyq alty boksshy synǵa túsedi

ASTANA. KAZINFORM — Bolgarııa astanasy Sofııa qalasynda ótip jatqan halyqaralyq Strandja týrnıriniń besinshi jarys kúni, 1 naýryzda fınalda el quramasynan 6 boksshy sharshy alańǵa shyǵady.

23 aqpan-2 naýryz aralyǵynda bolyp jatqan týrnırge 36 elden 300-den astam boksshy keletini naqtylandy. Olardyń arasynda Bolgarııadan bólek Qazaqstan, Ózbekstan, AQSh, Kýba, Ázerbaıjan, Brazılııa, Ýkraına, Mońǵolııa, Anglııa, Túrkimenstan, Qytaı Taıpeıi jáne ózge memleketter bar.

Kúndizgi sessııa (17:00)

2 jup. 54 keli. Áıelder. Elına Bazarova — Loren Makkı (Anglııa)
5 jup. 65 keli. Áıelder. Laýra Esengeldi — Navbahor Hamıdova (Ózbekstan)
8 jup. 80 keli. Áıelder. Nadejda Rıabets — ıAren Dýztas (Túrkııa)
9 jup. 80 keliden joǵary. Áıelder. Valerııa Aksenova -Oltınoı Sotımboeva (Ózbekstan)
11 jup. 50 keli. Erler. Danııal Sábıt — Bılalhabashı Nazarov (Azerbaıdjan)
15 jupa. 70 keli. Erler. Farýh Toktasynov — Lavant Broýnlı (AQSh).

Aıta ketsek, Qazaqstan quramasy Bolgarııa astanasyna 39 boksshyny attandyrdy. Bıyl «Strandja kýbogy» 77 márte ótkizip jatyr. Bul týrnır Eýropa qurlyǵyndaǵy tarıhı tereń sporttyq jarys sanalady. 

Eske salsaq, budan buryn Strandja týrnırinde qazaqstandyq alty boksshy altynǵa talasatyny jóninde habarlandy.