«Strandja» týrnırinde búgin el quramasynan qaı boksshylar shyǵady
ASTANA. KAZINFORM — Bolgarııa astanasy Sofııa qalasynda 23 aqpan-2 naýryz aralyǵynda ótetin «Strandja» halyqaralyq týrnıriniń alǵashqy jarys kúni, 23 aqpanda el quramasynan kimderdiń sharshy alańǵa shyǵatyny belgili boldy.
Týrnırge 36 elden 300-den astam boksshy keletini naqtylandy. Olardyń arasynda Bolgarııadan bólek Qazaqstan, Ózbekstan, AQSh, Kýba, Ázerbaıjan, Brazılııa, Ýkraına, Mońǵolııa, Anglııa, Túrkimenstan, Qytaı Taıpeıi jáne ózge memleketter bar.
Kúndizgi sessııa
A rıngi
50 keli. Aldamjarov Bekzat — Asylbek Jalılov (Ózbekstan)
55 keli. Baǵlan Kenjebek — Nıdjat Hýseınov (Ázerbaıjan)
55 keli. Tımýr Qabdeshov — Petsı Djoıs (Irlandııa)
V rıngi
70 keli. Farýh Toqtasynov — Arsen Chabıan (Aýstrııa)
70 keli. Muhammedsabyr Bazarbaıuly — Abdýlazız Jýrakýlov (Ózbekstan
90 keli: Nýrmagamed ıÝsýpov — Konnor Ýılıams (Ýels).
Keshki sessııa
A rıngi
60 keli. Rýslan Kýzeýbaev — Salım Ellıs-Beı (AQSh)
60 keli Beıbarys Jeksen — Lýndaa Gantýmýr (Mońǵolııa)
V rıngi
80 keli: Sanjarálı Begalıev — Kaýe dos Santos Belını (Brazılııa)
80 keli: Dıas Moljigitov — Robbı Gonsales (AQSh).
Halyqaralyq týrnırde kúndizgi sessııa Qazaqstan ýaqytymen 17:00–ge belgilense, keshki sessııa 21:00–de bastalady.
Qazirge deıin otandastarymyz týrnırden 23 altyn, 34 kúmis, 45 qola júlde enshiledi. Onda Qazaqstan quramasy alǵash ret 1994 jyly baq synady. Onda 75 kelide Valerıı Kýzmentsov kúmis júlde alǵan edi. 2005 jyly Serik Sápıev (60 keli) elimizdiń atynan alǵashqy chempıon retinde tirkeldi. Al áıelder arasynda Valentına Halzova 2 márte jeńimpaz tuǵyryna kóterilse, erler arasynda Ertýǵan Zeınýllınovtiń qatarynan ekinshi márte chempıon atanýǵa múmkindigi bar.
Ótken jyly Qazaqstan quramasy óz tarıhyndaǵy eń úzdik kórsetkishin tirkedi. Olar 6 altyn medalmen jalpy esepte birinshi oryn aldy.