Strandja týrnırinde 25 aqpanda kimderge senim artamyz

ASTANA. KAZINFORM — Bolgarııa astanasy Sofııa qalasynda ótip jatqan «Strandja» halyqaralyq týrnıriniń úshinshi jarys kúni, 25 aqpanda el quramasynan kimderdiń sharshy alańǵa shyǵatyny belgili boldy.

23 aqpan-2 naýryz aralyǵynda ótetin týrnırge 36 elden 300-den astam boksshy keletini naqtylandy. Olardyń arasynda Bolgarııadan bólek Qazaqstan, Ózbekstan, AQSh, Kýba, Ázerbaıjan, Brazılııa, Ýkraına, Mońǵolııa, Anglııa, Túrkimenstan, Qytaı Taıpeıi jáne ózge memleketter bar.

Bul jarys kúninde 9 otandasymyz sharshy alańǵa shyǵady. Olardyń qatarynda álem chempıonatynyń kúmis júldegeri Vıktorııa Grafeeva bar. Sondaı-aq, 2 jupta qazaqstandyq boksshylar ózara judyqtasady.

Kúndizgi sessııa

2 jup. 51 keli. V rıngi
Jazıra Oraqbaeva — Ferýza Kazakova (Ózbekstan)
6jup. 57 keli. A rıngi
Uljan Sársenbek — Aıdana Zabynbekova
9-jup. 60 keli. A rıngi
Rımma Volosenko — Alısha Krokett (AQSh)
11-jup. 60 keli. V rıngi
Vıktorııa Grafeeva — Gızem Ozer (Túrkııa)
Keshki sessııa
3-jup. 65 keli. A rıngi
Arýjan Jańabaeva — Navbahor Hamıdova (Ózbekstan)
3-jup. 65 keli. V rıngi
Laýra Esenkeldi — Merı-Endjelıs Rosendo (AQSh)
11-jup. 90 keliden joǵary. A rıngi
Nurlan Saparbaı — Danıal Saparbaı.

Halyqaralyq týrnırde Qazaqstan ýaqytymen kúndizgi sessııa 17:00–de bastalsa, keshki sessııa 21:00–ge belgilengen. 

Aıta ketsek, Qazaqstan Bolgarııa astanasy 39 boksshyny attandyrdy. Bıyl «Strandja kýbogy» 77 márte ótkizip jatyr. Bul týrnır Eýropa qurlyǵyndaǵy tarıhı tereń sporttyq jarys sanalady. 

Qazirge deıin otandastarymyz týrnırden 23 altyn, 34 kúmis, 45 qola júlde enshiledi. Onda Qazaqstan quramasy alǵash ret 1994 jyly baq synady. Onda 75 kelide Valerıı Kýzmentsov kúmis júlde alǵan edi. 2005 jyly Serik Sápıev (60 keli) elimizdiń atynan alǵashqy chempıon retinde tirkeldi. Al áıelder arasynda Valentına Halzova 2 márte jeńimpaz tuǵyryna kóterilse, erler arasynda Ertýǵan Zeınýllınovtiń qatarynan ekinshi márte chempıon atanýǵa múmkindigi bar.